Gëzim Ajgeraj

 

KROI I QYTETIT TIM

 

Zvicër, 2006

 

KROI I QYTETIT TIM

 

Na sjellë freski Sharri

Në zemër të qytetit

Në mes të Shadërvanit

Ai na e shuan etjen

 

Ujë të ftoftë akull

të bardhë si bora

në vapën e verës

të mërdhinë dora

 

Gurgullon kroi

në dimër e verë

s'ndalet nëpër shekuj

freski sjellë përherë.

 

       *   *   *

 

Trimat e atdheut

pranë tijë u freskuan

me ujin e ftohtë

dhe etjen e shuan

 

Pranë tijë etjen e shuan

Abdyli* e Ymeri

Trim Sylejman Vokshi*

Mici kryetrimi

 

Ballin e freskoi

Trim Adem Jasharri

qytetit të besës

një uratë i fali

 

Trim Xhevat Berisha

Dhe këngë i këndoi

sa herë e shoi etjen

bekim i dhuroi

 

Pinë ujë dhe shumë trima

Ballin e freskuan

Qytetit të lashtë

Kroin ia bekuan

 

       Mars 2006

 

_______________

*Abdyl FRASHËRI (1339-1892). Patriot demokrat i shquar, një nga ideologët përparimtarë të Rilindjes Kombëtare dhe një nga udhëheqësit kryesorë të Lidhjes Shqiptare të Prizrenit , Hero i Popullit.

 

*Sulejman Vokshi (1815 - 1890) është veprimtar dhe figurë e shquar e Lidhjes së Prizrenit dhe Hero i Popullit në Kosovë. Lindi në Gjakovë nga një familje me tradita kombëtare, pjesëmarrëse në kryengritjet antiosmane kundër Tanzimatit.

NË MUZE TË LIDHJES

 

Në një ditë qershori

E gjithë klasa e jonë

Muzeun e lidhjes

Shkuam ta vizitojmë

 

Para lidhjes na priste

Busti i Abdylit e Ymerit

Aty në bronzë rrinin

Poshtë nën këmbë mermerin

 

Brenda në muze

Orë dhe qysteke

Pushkë të varur mureve

Në vitrin dokumente

 

Plot për plot piktura

Për njëqind vjetorin

Artistët e kombit

Ate e nderonin

 

U larguam të gëzuar

Plot për plot me mbresa

Sa shumë u

 

____________

*Besa, zotim solemn për të vepruar së bashku për një qëllim; fjala e nderit që jepet për të përkrahur dikë ose për t`u lidhur me të.

*Lidhja Shqiptare e Prizrenit,u mbajtë më 10 qershor 1878 në Prizren. Zyrtarisht fillon me tubimin e 300 përfaqëseve të të gjitha krahinave shqiptare. Qëllimi i takimit ishte formimi i një shteti autonom shqiptar që do të mbulonte vilajetet otoman të Prizrenit, Shkodrës, Manastirit, dhe Janinës.

AVDYLI E YMERI

 

Si dy pishtarë drite, ndriqojnë në histori

vizion per brezat, dritë për ardhmëri

 

Abdyli e Ymeri, dy burra të atdheut

simbol i bashkimit, besë e mëmëdheut

 

Nga molla e kuqe deri në çamëri

vëllezër të një gjaku bashkë një shqipëri

 

E lidhën një bese të gjithë në Prizren*

ta mbrojmë shqipërinë, e bëjmë atëdhenë

 

Edhanë dhe një fjalë, atje në kuvend

Për bashkim kombëtar, në mbrojtje të atdheut.

 

                                   1999, Prizren.

____________________

*Prizreni:Të dhënat arkeologjike lënë të kuptojnë, se ky territor ishte i banuare që nga antika, kur njihej me emrin Theranda e në këtë trevë banonte një popullsi Dardane. Gjatë shek XI ishte qendër e rëndësishme qytetare, më 1019 Prizreni ishte seli e ipeshkevis të perandorisë Bizantine. Prizreni nder shekuj njihet si qytet i kultures dhe i tradites.

BUSTI I YMER PRIZRENIT

 

Për detyr shtëpie

Mësuesi i klasës sonë

Na tha nga një bustë

Që ta skulpturojmë

 

Pasdite e vizitova

Lidhjen e Prizrenit

E shikova gjatë

Abdylin dhe Ymerin

 

Me baltën ngjyrë bronzi

Përballë një fotografi

Bustin e Ymer Prizrenit*

E bëra për mrekulli

 

Shkëlqyeshëm tha mësuesi

Dhe gjithë mësuesët tjerë

Gjatë e ruajtën bustin

Në koridorin e shkollës me nderë.

 

*Ymer Haxhi Prizreni, (1826 - 1886),Veprimtar i shquar i Lëvizjes Kombëtare, një nga udhëheqësit kryesorë të Lidhjes Shqiptare të Prizrenit dhe kryetar i qeverisë së përkohshme të formuar në periudhën e fundit të saj.

PLAKU I VLORËS

(ISMAIL QEMALI*)

 

Ecte plaku mjekërbardhë kryelartë

Fushave,maleve dhe detit

Mbi ballë e kishte një idealë

Në gji e mbante amanetin

 

 

Dhe s`ndalej, si s`ndalet Drini e Buna

Ecë e bëhet diell i lirisë

Drejt Vlorës, drejt mëmëdheut me burra

Për dritën e atëdheut të dashur Shqipërisë

 

 

Nga gjiri nga toka e nxjerr lartë amanetin

Popullit ti sjell dritë e mirësi

Dhe e ngriti lartë flamurin e Skëderbeut

Për atëdheun e lirë, për Shqipëri.

 

                                                     21.2.99

_________

*Ismail Qemali lindi në Vlorë në një familje çifligare më 24 janar 1844, vdiq në Itali nga një atentat me helm më 24 janar 1919. Ishte udhëheqës i shquar i Lëvizjes Kombëtare Shqiptare dhe kryetar i parë i Shqipërisë së pavarur.

TRIBUNI I ATËDHEUT

 

(Isa Boletinit*)

 

Një betim në flamur e plotë trimëri

Kanë besë këto troje në luftë për liri

Tribuni i atëdheut me nipat e tijë

Luftoi për Kosovë e Shqipëri

 

Dridhi gjneralë dridhi Londërmadhen

Kërkesat e atdheut i shtroi fjalë për fjalë

O do të bëhet bashkë e gjithë kjo Shqipëri

O do të digjet flakë ky Ballkan i zi

 

Në Vlorë ra në gjunjë e puthi flamur

Luftën për liri s'do ta ndalim kurrë

Betimi i tijë kushtrim për atëdhe

Një Shqipëri bashkë do ta bëjmë mbi këtë dhe.

 

                                     Nëntorë, 1999, Prizren

 

__________

*Isa Boletini (1864- 1916), atdhetar i shquar, strateg popullor, organizator e udhëheqës i lëvizjeve për çlirim e bashkim kombëtar, Hero i Popullit.

*Londërmadhe, poeti aludon në konferencën e Londrës, të mbajtur më 1913, në këtë qytet të Anglisë.

BAJRAM CURRI

 

 

Pesëdhjetë vjet luftoi

Në male për liri

Për bashkimin e tokave

Të mëmës shqipëri

 

 

Gjith jetën e kaloi

Me pushk në dorë

Kurr nuk u pajtua

Me të huaj e okupator

 

 

Burrërishtë luftoi

Plaku i maleve për liri

Ra heroikisht

Lartë në dragobi.

 

                    25.2.99.

 

___________

*Bajram Curri lindi më 1862 në Gjakovë; vdiq më 29 mars 1925 në Dragobi. Ka qenë atdhetar e demokrat i shquar revolucionar, udhëheqës i lëvizjes për çlirimin e bashkimin kombëtar të vendit.

 

UÇK

 

Shkrepi ideali etja për liri

Zjarri i lirisë që vlonte në gji

Për ditët e mira për ditët e bardha

Flamur lirie tri shkronja të arta

 

Tri shkronja të arta në një dashuri

Thurin gjerdan shprese atdheut liri

Gurit i dha gjak atdheut drite

Një këngë në male me shekuj e pritë

 

Dhe këngën se ndali deri në fitore

Veriun e zi* large nga keto troje

Një ditë të bardhë shkrepi në Dardani*

Flamur për atdheun Kosovës liri

 

                   1999, Prizren.

__________

*UçK, forca ushtarake që luftoi për çlirimin e Kosovës nga okupatori serbë, gjatë vitit 1998/99.

*Veriu i zi, - poeti aludon në okupatorin Serb(Serbinë)

DËSHMORI I LIRIS

 

Luftoi nëpër male

Në borë dhe në shi

E flijoi jetën

Për të shtrejtën liri

 

Ditë e natë luftoi

Ai me pushkë në dorë

Në luftë kundër armikut

Ai ra dëshmor

 

Në malet e larta

Përmbi atë malësi

Ra heroikishtë

Në luftë për liri

 

Në bjeshkët e Pashtrikut*

Atje lartë përmbi

Ra heroikishtë

Dëshmor* për liri.

 

         12 çershor `99.

 

________________

*Pashtriku, bjeshkë e lartë në mes të Prizrenit dhe kukësit.

*Dëshmor, ai që vritet në luftën për liri e drejtësi shoqërore, ai që falë jetën për të mirën e popullit e të atëdheut.

KRYETRIMI I LEGJENDËS

 

( Adem Jasharit*)

 

Diku kërciste një pushkë

E s`pushonte një këngë

Atëdheu kërkonte krushq

Kosova lëshonte gjëmë

 

 

Nga zemra e tokës buroi

Kushtrimi i krismave për liri

Malet e Drenicës jehuan

Nga krismat e kënga e tijë

 

 

Dhe krisma prej kullave vazhdoi

Maleve e fushave për liri

Kryetrimi i legjendës flijoi

E u bë pishtarë i luftës për liri.

 

                                                 21.2.99.

_________

* Adem Jashari lindi më 28 nëntor të vitit 1955 në Prekaz dhe vdiq më 6 mars 1998 në Prekaz, ishte një hero dhe trim legjendar i Luftës së Kosovës.

MILITANTI

 

(Remzi Ademaj – Petriti*)

 

Mbrëmë gjithë natën i rrethuar me mallin

Nëpër lirikë gjakote militanti i ri

Nyepër rreshta rridhnin thirrjet zëri i tij

Pushka që kishte etje për liri

Gjatë e rrahi llafin për Vërrinin Kuksin

Drenicë e Junik

Gjërë e gjatë i ra Kosovës në çdo pikë

Diku mes vetullave ndrydhej zemërimi i tij

Pushka besa fjala kullonte etje per liri

Nëpër rimat e lirikës deri në agun e ri

Një det me pelin ra përmbi

Dikur i kënduam edhe një këngë Kosovës

Adem Jasharit i byemë edhe poezi

E diku në Qafë të Zhurit

Një lumë lotësh u shkri

Afër meje ai s'ishte më me trup e me zë

Vargut militonte thirrja e tij

Qëndresa e paepur

Mjaft më këtu

Andej nga Kosova

Ejani ta marrim pushkën lumjançe

E iku e iku e iku me hijen e tij

 

                             24. 08.'98

 

_________

*komandant i UçK-së, gjatë luftës 1998/99, në zonën e Vërrinit. Ra heroikisht në betejën kundër okupatorit serbë në Lez-ë, më 2 shtatorë 1998.

PRANË LAPIDARIT TË MËSUESIT DËSHMOR

 

(Mësuesit Xhevat Berisha*)

 

Albani e Drita me lule në duar

Lapidarin e mësuesit kan ardhur për ta nderuar

E kujtojnë me mallë e plotë krenari

Mësuesin e tyre që ra për liri

 

Dhe lule të freskëta kanë sjellë në duar

Pranë lapidarit përulen duke nderuar

Për mësuesin e tyre thurin dhe lavdi

Nga malli për të kanë dhe lotë në sy

 

Pranë lapidarit një fjalë i premtojnë

rrugën e mësuesit ata do ta vazhdojnë

Është rrugë e atëdheut plotë ideal

Me krenari e nderë në zemër do ta mbajmë

 

                           Prizren, 10 qershorë 2006

 

__________

*Xh. Berisha, komandant i ZKZ-së gjatë luftës së UçK-së 1998/99, në zonën e Vërrinit. Ra heroikisht në betejën kundër okupatorit serbë në Lez-ë, më 2 shtatorë 1998.

TRIBUNI I VËRRINIT

 

(Selajdin Berishës*)

 

Nisë e dridhen malet se deshi liria

fërshëllejnë pushkëgjatat e ngritet trimëria

nisë kënga kreshnike e shkruhet legjenda

tri shkronja mbi ballë një vullkan nga zemra

Merrë forcë atdheu rilindë Dardania

Nisë e flasin shkrepat e skuqet trimëria

këmishë e kuqe pajë e lirisë

Flamur maje bjeshke simbol i trimërisë

Kushtrimi i atdheut rrënjë e lirisë

për agun e ri kënge e Dardani

lapidarë drite rreze ardhmërisë                

 

shtator 1998

 

 

_____________

*Selajdin Berisha, komandant i policisë ushtarake gjatë luftës së UçK-së 1998/99, në zonën e Vërrinit. Ra heroikisht në betejën kundër okupatorit serbë në Lez-ë, më 2 shtatorë 1998.

DITA E LIRISË

 

Ejani fëmijë

Bashkë të gëzojmë

Lirinë e Kosovës

Sot ta festojmë

 

Ta gëzojmë fitoren

Me këngë e valle

Tu këndojmë dëshmorëve

Në ditën e madhe

 

Ti mbushim me lule

lapidarët e lirisë

Atyre që u flijuan*

Për të mirën e njerzisë.

 

___________

*Ai që flijohet për atdhe.

 

FLAMUJT E LIRISË

 

Sheshit të qytetit

Voglushët festojnë

Me flamuj në duar

Lirinë e gëzojnë

 

Për ushtarët trima

Me pushkë në dorë

Plot për plotë me lule

Ata i zbukurojnë

 

Gjithë fëmijët e qytetit

Sa shumë u gëzuan

Lirinë e atdheut

Me flamuj kremtuan

 

               Qershorë,1999.

 

URA E GURIT DHE LUMI

 

Gur më gurë në harqe

Ku lidhen dy brigje

Është ura e gurit

Punim i lashtësive

 

Një herë në një verë

Lumi u hidhërua

E vërshoi qytetin

Ura u shkatërrua*

 

Prapë pas disa muajve

Urën e ndërtuan

Me të njejtën formë

Çfar e kish e shkuara

 

Sotë qyteti ynë

Atje nën kala

I ruan monumentet

Nga lashtësia që i ka.

 

__________

*Ura e gurit në qytetin e Prizrenit, që lidhë dy skajet e Lumbardhit, që rrjedhë përmes qytetit.

*Në vitin 1978, vërshoi lumbardhi dhe e mori me vete urën e vjetër qindravjeqare. Pas disa muajve u ndertua ura e re me të njejtën formë.

KALAJA

 

Atje mbi shpatije mbi qytetin tonë

Është kalaja e lashtë si kurorë qëndronë

Roje mbi qtet fletë një lashtësi

Mes mureve të gurta ruan histori

 

Në të Osmanllija* garnizon* ndërtoi

Pesë shekuj me radhë lirinë na e vërboi

Gjithë qytetin tonë nga aty e sundoi

 

Një moti të flamurtë robëria ra

iku osmanllij la gjurmë në kala

si statujë graniti moteve u rezistoi

qytetit të lashtë pranë i qëndroi

 

Sotë kalaja e lashtë monument në histori

për qytetin tonë, vlerë e pasuri

 

                             1999, Prizren

 

______________

*Kalaja e Prizrenit, objekt i lashtë i kulturës, mbi qytetin e Prizrenit.

*Osmanllija, poeti aludon në perandorinë osmane, e cila ka sunduar gati pesqindë vjetë tokat shqiptare.

*Garnizon, - tërsia e trupave që vendosen në një qytet, për të siguruar mbrojtjen e tijë.

DRITAT E QYTETIT TIM

 

Kur bie nata mbi qytetin tim

Xixëllojnë dritat e mbushet shkëlqim

 

Dritat plot neone sheshet i ndriçojnë

Në vitrina të dyçaneve kah i zbukurojnë

 

Shkëlqimi i tyre ngjitet lartë në qiell

Janë më shumë se yjet lartë në hapsirë

 

Natën mbi çytet ato vezullojnë

Lartë në horizontë bukurinë ja shtojnë

Rrugët dhe pallatet atijë ja ndriçojnë.

 

                                               12.5.2001.

 

LULET E QYTETIT TIM

 

Plotë aromë e bukuri

Janë lulet në saksi

Njëra tjetrën e përqafojnë

Mbi ballkone kah mbushullojnë

 

Sheshe e kopshte zbukurojnë

gjithmonë në pranverë

dhe blirët buzë lumëbardhit

mbushëllojnë plotë erë

 

Aromë e tyre

mbushëllon freski

mbi ngjyrat e tyre

shtrohet bukuri

 

               Prizren, 3.5. 06

 

 

PËLLUMBAT E QYTETIT TONË

 

Ka shumë pëllumba ky qytetë

Dhe voglush që i ushqejnë

 

Kokrra gruri ata mbledhin

Kur fëmijët ua hedhin

 

Kush qetsin nuk ua prishë

Se fëmijët i kanë miq

 

Mbi qytet kur fluturojnë

Ata qiellin e zbukurojnë

 

Dikush tha ku ka liri

Ka pëllumba e fëmijë

 

Buchs-Zvicër, 18.4.2001.

 

GJUHA E JONË

 

Në gojë të voglushit kur reciton

Shih sa   ëmbël ajo tingllonë

 

Në klasë mësuesi kur spjegonë

Gjuhë mjaltë fjala rrjedhonë

 

Kur këndonë nëna ninulla

Fëmijët në djepa bëhen burra

 

Kur fletë gjyshi te oxhaku

Shkëlqim e dritë mbushet pragu

 

Gjuhë e ëmbël gjuha e jonë

Me gjuhë të botës kurrë se ndrrojmë.

                                    

                             Zvicër,22.4.01.

 

KOSOVË MURANA* IME

 

Ku stë vranë e ku stë shanë

Ku stë shkelën ty moj nënë

Të mërguan e ku stë vanë

Po ti s`shuhesh moj muranë

 

 

Sa të dogjën sa të qeshën

Sa të shkrumën sa të prenë besën

Po ti u ngrite prapë e para

Shqiptarishtë si mbinë fara

 

 

Sa të djeshme sa të sotme

Shum lëngove nëpër mote

Shumë armiq erdhën e shkuan

Vetëm eshtrat i harruan

 

 

E së fundi dhe këtë herë

Deshën ti fikin njato derë

Po këtë herë i zu hataja

Malet tona u bënë kala.

 

_________

*Muranë, grumbull gurësh në vendin ku është vrarë ose është varrosur një njeri.

I DUA FËMIJËT

 

I dua fëmijët

Me çanta në dorë

Me buzët plot gazë

Kah shkojn në shkollë

 

I dua fëmijët

Kur   janë të gëzuar

Kur i përçafojnë   prindit

Me lule në duar

 

I dua fëmijët

Sheshit kur marshojnë

Në festa kombëtare

Me flamuj në dorë

 

I dua fëmijët

Të pastër si bora

Me faqet   e kuçe

Të shëndoshë si molla

 

I dua fëmijët

Kur luajn dhe gëzojnë

Së bashku në korë

Këngë kur këndojnë

 

I dua fëmijët

Kur recitojnë vjersha

Oh sa shum i dua

Ata   që kanë pesa.

 

             26,çershorë 2000

FJALA DHE VJERSHA

 

Nga goja fjala doli

Dikush tha sa bukur foli

Një tjetër e shkroi një vjershë

Por askush si vuri vesh

 

Dikur fjala u harrua

Askujt më s`ju kujtua

Vjersha librat i kishte mbushur

E gjeta në gojën e voglushëve

 

Sa ëmbël vargjet tingëlluan

Brez pas brezi i mësuan

 

           Zvicër, 30.8.2000.

 

 

XHAXHI POETI NË MËRGIM*

 

Qdo ditë shkruan vjersha

Por edhe punonë

Në festat kombëtare

Ai na recitonë

 

Ai edhe në fëmijëve

Dhurata na bënë shpeshë

Na dhuronë libra

E në festa nga një vjershë

 

Me të rritet atdheu

Dhe ABC-ja e jonë

Shumë për kulturë

Ai me zellë punonë.

 

             3 marsë `99.

 

_____________

*Mërgim, vend i huaj jashtë atdheut ku është mërguar dikush, dhe i huaj.

ZOGU DHE VOGËLUSHI

 

Zbriti zogu në dritare

Dua tha këtë abetare

Ky voglush nuk e lexonë

Prandaj mua më takon

 

Ciu ciu ja filloi

Germën C ai e mësoi

Qeshi voglushi ha ha ha

Nuk e din   e tha germën A

 

Njëri tjetrin duke e qeshë

Më në fundë u morën   veshë

Ulemi bashkë dhe mësojmë

Njëri tjetrin ta ndihmojmë

 

Njëri tjetrin   e ndihmuan

Abetaren e mësuan

Zogu qiellit fluturojë

Ky vogëlushë

me kokrra gruri e nderoi.

 

       20,gushtë 2000.

 

 

 

Alfabetin e mësova

 

I kapa shkronjat dor për dore

Dhe i futa në fletore

 

Kur një façe e mbarova

Atë mësuesit ja tregova

 

Shumë bukur dhe vazhdova

Alfabetin e mësova

 

Kur të gjitha i bëra bashkë

Ato u bënë tridhjet e gjashtë.

 

                                   2001

 

 

 

Toni lexonë lektyra

 

Shumë librat i lexonë

Ai romanin e ka pasion

 

Ndjehet toni i gëzuar

Ai lektyrën e ka përfunduar

 

Mësuesin shumë e gëzonë

Atijë ngjarjen kurë ja spjegonë

 

Në bibliotekë tjetër ka marrë

Ta lexojnë sa më parë

 

Shumë mësuesi e lavdronë

Në gjuhë pesë ja dhuronë

 

                 Zvicër.21.4.2001.

 

 

28 NËNTORI - DITA E FLAMURIT

 

çdo shtëpi e çdo pallat

Nga një flamur sot e ka lartë

 

është festa e atdheut

dita e flamurit   të Skëndërbeut

 

E festojmë për   çdo nëntorë

Ismail   Qemajli e ngriti në Vlorë*

 

Dhe e bartim ne me nderë

Të valojë i   lirë   përherë

 

ndajë e ngrisim çdo nëntor

Këtë flamurë me shqiponjë.

 

               28.nëntorë.2000.

 

 

___________

*Vlora, qytet i lashtë dhe një nga portet kryesore te Shqipërisë. Ndodhet ne jugperëndim te vendit, buzë Adriatikut. Në lashtësi njihej me emrin Aulona. Gjurmët më të hershme i takojnë shek. VI p.e.s. Në shek. IV rrethohet me mure guri të latuar.

Shoku i klasës sonë, nga Tetova

 

Një shokë të ri, e kemi më klasën tonë

Ka ikur nga lufta, atje në Tetovë*

 

Klasa mirë e priti, sa shumë e ndihmon

Ishte nxënës i mirë, dhe sa shumë mëson

 

Tani ka dhe shokë, e duan të gjithë

Sa keçë që u vinte, për fatin e tijë

 

Atje bëhet luftë, ndajë ka ardhë në Kosovë

Dotë kthehet në vendlindje, kur   ajo të mbarojë

 

Dhe mësuesi i ynë, atë shumë e donë

Në librezë notat, çdo ditë ia shënon.

 

                     Prizren,22.prill.2001.

 

_______________

*Tetova, gjendet në pjesën veriperëndimore të Maqedonisë. Ajo nga veriu kufizohet me Kosovën, në lindje me Shkupin, në jug me Makedonski Brodin dhe në jugperëndim dhe perëndim me Gostivarin.

EKLIPSI I DIELLIT*

 

Mësuesja në shkollë

Syze i ka dhuruar

Eklipsin e diellit

Gimi për ta shikuar

 

E la qantën në dhomë

Doli në oborrë

Drejtë qiellit përpjetë

Filloi të shikoj

 

U errësua dielli

Hëna i doli përballë

Gimi nga oborri

e thirri mamanë

 

Pastaj në fletore

Filloi të shenoj

Për detyrë shtëpie

Mësueses të ja tregoj.

 

   Zvicër, 11.08.1999.

 

 

__________

*Errësim i përkohshëm i një trupi qiellor kur zihet nga një trup tjetër qiellor. Eklips i plotë (i pjesshëm). Eklipsi i Diellit errësimi i përkohshëm i Diellit kur Hëna ndodhet midis Diellit e Tokës. Eklipsi i Hënës errësimi i përkohshëm i Hënës kur kjo hyn në zonën e hijes se Tokës.

FESTA E MËSUESIT

 

Për festën e mësuesit

Këtu në mërgim

I dhurova një lapsë

Dhe unë mësuesit timë

 

Sa mirë që i erdhi

Atë kur e pa

Është nderë për mua

Ai mua më tha

 

Pastaj na foli gjatë

Për festën e mësuesit

Për shkollat e para

Peripetitë dhe vuajtjet

 

Mësimin plotësues

Pastaj e vazhduam

Historinë e shkollës shqipe

Atë ditë e mësuam

 

Sa i lumtur që isha

Edhe sa shumë krenarë

Mësova për mësuesët

Dhe shkollën e parë

 

   Zvicër,7 mars `99.

        

 

DRINI

 

 

Prej ku nisë e mbaron

Shqip rrjedha i rrjedhon

Dhe kufirin e kalon

As ushtari se ndalon

 

 

 

Në verë dielli kur të pjek

Ai fresikn na e jepë

Fushës etjen ja largon

Bereqetin ai ja shton

 

 

Nëpër rrugë e qdo shtëpi

Na ndriqon fuqi e tijë

Për kuzhinë në qdo shtëpi

Peshq të freskët për mrekulli.

 

_________

*Lumi Drin është lumi më i gjatë i trojeve shqiptare. Ai derdhet në Detin Adriatik, afër Lezhës dhe ne lumin e Bunës, degë qe u formua pas një përmbytjeje në shekullin e 19. Drini formohet afër qytetit të Kukësit me bashkimin e dy degëve kryesore të tij: Drinit të Bardhë që buron afër Pejës, Kosovë dhe Drinit të Zi që buron në Shën Naumi, Maqedoni.

PUSHIMET VERORE

 

Ja erdhi çershori

Mësimet mbaruan

U poçën qershitë

Pushimet filluan

 

Është nxehtë bënë vapë

Loja në oborr nuk shkon

Kush shkonë në detë

Dikush te daja në fshat kalon

 

Kalojnë sa më mirë

Pushimet verore

Jemi rritur dhe për një vitë

Në shkollë në shkollën fillore

 

                                 14,6, 2000.

 

TE DAJA NË FSHAT

 

Sa her vjen qershori

Mësimi mbaron,

Te daja në fshat

Gimi në pushime shkon.

 

Me kalavesh qershizash

Veshët zbukurohen,

Pranë ujit të lumit

Me shokët freskohen.

 

Ka marrë dhe lektyra

Që shpeshëherë t`lexojë,

Dhe atje me shokë

Ditët ti kalojë.

 

Dhe kur vera ikë

Gimi kthehet n` shkollë

Shokëve me mall u shkruanë

Nuk ju harroj dot.

 

 

LARGË ATDHEUT

 

Mungonë kënga e gëzimi

Të djegë vetmia   e përmallimi

 

Mungonë gjyshi në shtëpi

Sa i pikëlluar në fotografi

 

Mungojnë shokët në klasë

Gjuhën shqipe me këtë të flasë

 

Më mungonë loja te kroi

Nuk kamë shokë të luajmë lojë

 

Mungon dielli i vendit tim

Këtu jeta s`ka shkëlqim

 

Më mungonë vendlindja   ime

Për të ruajë shumë kujtime

 

Gjith kah eci e ku shkojë

Për atdheun gjithmonë mendojë.

 

                     Zvicër.13.majë.2001.

 

GJYSHI NË PIKTURË

 

Me plisin e bardhë e ballin plot rrudhë

Fotografi malli portreti në pikturë

 

Mbi murë   të varur portretin çëndroi

Sa   me mallë gjyshin ajo shikonë

 

Kur të kthehem   në kosovë dhurat doti bëjë

Një plis të ri atijë do të ja blejë.

 

Kështu foli vjollca, babai e dëgjoi

Pastaj dhuratën ai ja   premtoi.

 

                                   Zvicër.14.4.01.

 

QERSHIT E GJYSHIT

 

Plotë ëmbëlsi Sharri* erdhi në mërgim

qershi në kalavesh ka dërguar gjyshi imë

dhe gjethe me degë me gjethe Vërrini

për nipat e tije që tretën mërgimit

 

te falat e gjyshes plotë ëmbëlsi

janë shkruar per nipat ne degë e qershi

dhe plotë mallë Kosove ai u percjellë

atëdheun mos e harroni porosi u sjellë

 

porosite e gjyshit nipat s'i harrojnë

një plis të bardhë atijë i premtojnë

dhe kokrrat e qershisë sa herë i shijojnë

shumë përqafime nga largë i dergojnë

 

                                9 qershorë 2007, Zvicër

 

 

______________

*Sharri, mal i lartë, bjeshkë e lartë

DREDHËZAT E VENDLINDJES

 

Ka dërguar gjyshja dredhëza të ëmbëla Vërrini

Për nipat e sajë që ikën mërgimit

Dashuri e mallë dhe shum përqafime

Rritë të shëndetëshme dhe urim per kthime

 

Në gojën e voglushëve dredhëzat sa mbëltojnë

me plotë dashuri gjyshen e kujtojnë

janë shumë të ëmbëla voglushët i lavdërojnë

ka mbëlsi Verrini* askush s'ua kalonë

 

Një herë në pushime në qershor do të shkojmë

dredhëzat e gjyshes nga kopshti ti shijojmë

u premton babai dhe u jepë fjalë

se në vitin tjetër premtimin do ta mbajë

 

dy nipa e gjyshes sa shumë u gëzuan

me dredhezat e gjyshes, buqkot i mbushëlluan

 

                                 9 qershorë 2007,Zvicër.

 

 

______________

*Vërrini, regjion që përfshin disa fshatra në pjesën jugore në rrethinën e Prizrenit.

FRYMËZIMI IMË

 

(Qytetit të Lidhjes shqiptare – Prizremit)

 

E gjeta tek ty, nëpër rritën tonë

Idealin* tim që sot e mbaj në gji

I shpalos kujtimet nga kujtesa e jonë

Frymëzimi ytë përpara më pri

 

Shpalosë idealin që dikur ma rrite

I këndoj atëdheut ditë e natë s`pushoj

Liorinë që ti ke, ushqyer ndër vite

Mundë edhe gjakë, gjithmonë ti dhuroi

 

Respekt idealit që më prinë ndër vite

Qoftë përherë i ndritur, frymëzimit tënd

Më rrite ndër burra, me plotë rreze drite

Ndër luftëtar të atëdheut më ke bërë vënd

 

Eja sotë ndër vite, ti marrim kujtimet

Hap faqet e bardha, mbaje ballin lartë

Shpalos historinë, e të fali bekime

lumë ne si ty, frymëzimi i artë.

 

__________

*Qëllim i lartë, që mbështetet në bindjen dhe përbën pikësynimin kryesor të dëshirave, të veprimtarisë e të përpjekjeve të një njeriu, të një grupi njerëzish, të një klase, të një partie etj, qëllim i lart,ë që udhëheq luftën, punën dhe gjithë veprimtarinë e dikujtë.