Gëzim AJGERAJ

 

POEZI NGA ALBUMI  (shtator-tetor), 2011

 

NË KËRKIM TË

 

 

 

 

ESTETIKËS PËR VARGUN

 

Me ç`të të zbukuroi fjala ime e mirë

Fjala ime e shtrydhë mallit

 

Kërkuar i kam kopshtet e mendimit

Lulet e fjalës zhuritë mi kish malli

 

Këngën e fjalës ma mbyti zjarrmia

Me së të ia freskoj ballin këtij udhëtimi

 

Po e kërkoi gjithandej udhëve të mendimit

Në pritë më del gjeografi e udhëve

 

Ç`bukuri të të japë vargu imë imë

Këtij udhëtimi plotë mall

 

             3 tetor 2011

 

DRITË PËR TË NESËRMEN

 

Në brazdën e vargjeve të mia

Mbjellë i kam këngët

 

Vaditur i kamë me kroin

E gurrave të vendlindjes

 

Ngrohë me rrezet e diellit të Sharrit

Që të mbushullojnë frutat e vargjeve

 

Që bima e mendimin për të nesërmen

Të lulëzojë e çiltër

 

Që gurrat e mendimit të rrjedhin

Lirshëm nëpër ujëvarat e fjalëve

 

                               Tetor, 2011

 

UDHËT DHE TI

 

Me shpresën e kthimeve të tua

I bëjmë ballë stuhisë së udhëve

 

Me harrimin përballemi fytafytas

Dhe me thinjat

 

Ato çdo ditë na i vjedhin ëndrrat

 

Djall janë bërë mes kolonës

Pahetueshëm na i vjedhin motet

 

Filiza e pipa na i shartojnë sytheve

Që pema e farës sonë të shuhet

 

Atdhe, të lutem;

Ruaje dhe nga një lule për ne

Të paktën mbi gurë për të na e vënë

 

                     Tetor 2011

 

E PËRCOLLA MALLIN

 

E përcolla mallin e fjalës

Në kullën e mendimit, diku në Vërri

Të mi freskoi kujtimet e lëna

 

Me etjen e mungesës sime

I hapi portat e kullës plotë vetmi

E u shtrua në sofrën e pritjes

 

Vonesës ia numëronte thinjat

Pritjeve tek kronikonte

Me vargjet plotë zjarmi

 

Unë ende do të vonoi kthimeve

 

           Tetor, 2011

 

Ç`MISTER NË MES

 

Nëpër vijat e mallit

E kam vizatuar hartën e vendlindjes

 

Nëpër qdo rrudhë

I kam vënë nga një munges pa arsye

 

Ndoshta gabohem

Pse kaq rëndë i ndëshkova

Motet e mungesës sime

 

Atdhe, në ç`mister malli

Më mbështolle

E më hudhe përtej

 

Unë e ti, tani i bëjmë

Kronika mallit

 

     1 tetor 2011

 

 

SHQIPTARI

 

Shekuj lëvruar kam

Moshën e lashtësis sime

 

Plisin rrëzuar s`na e kanë

As furtunat Aziatike

 

Karpatet jo se jo

 

Tehut të shpatës

E përbiruam gjuhën

 

Dhe zogun dhe bezen

 

Udhëtimit

Deri tek drita e bardhë

 

   1 tetor 2011

 

ME GJARPËRIN MOS U

ULË NË SOFËR

 

Ju lutem mos më detyroni

Të ulem në një sofër me gjaksin

 

Kur ende se kam shuajt zjarrin në kullë

E mbledhë hirin e trarëve

 

Kur pesëmijë librave të mia

S`u mbeti as bloza

 

Kur gjaku s`është tharë

Në murin e avllisë

 

Kur maleve e shkrepave

Ende s`i kam mbledhë dhembjet

 

Kur ende s`i kam mbledhë

Eshtrat e gjyshes të djegur në kullë

 

Kur varret e ndrydhura kodrave

Lulet s`po mundë të ua numroi

 

A ulet me gjarpërin në sofër

O Evropë...?

 

Kurrë s`do ta shkelë amanetin e gjyshit

 

                             1 Tetor, 2011

 

NOTICAT E MIA ME VARGJE

 

Mbushë i kam

me copat e afshit të shpirtit

 

Me copëza kujtimesh

ruajt i kam kronikat

 

Me daltën e fjalës

Gdhendë metaforat

 

Nëpër shkëlqimin e shpresave

dhënë u kam dritën

 

Ruajt mi kanë fjalët

Ato besnike plotë vargje

 

Edhe udhëve të mia

Kur më pushton zjarmia

E digjet balli

 

Fjalën s`ma kanë tradhtuar kurrë

 

               1  Tetor, 2011

 

IDEALI

 

Ushqyer e kamë

Me etjen e shekujve për liri

 

Kalitë nëpër qëndresën Krujane

 

Bartë me amanetin

E gjyshit në kullë

 

Rritë me dashurin e nënës

Nëpër ninulla

 

Me këngët e babait

Ushqyer i kam shpirtin

 

Ndaj, thyer

Kurrë nuk jamë

 

1 tetor, 2011

 

NUK E BESOJA

 

Nuk e besoja kur miku imë

Më fliste për krasitjen e librit të tij

 

Për vargjet e gozhduara

Në kryqin e harrimit

 

Për lulet e poezisë

Të këputura në mes të rritës

 

Për muzikën e rimave

Të mbytur në mortjen e shportës

 

Për hajnat ashiqare

Tek ja mblidhnin pemën

 

Për vargjet që ia lan në fyt

Pa hapur gojë

 

Sotë, unë e pashë me sytë e mi

 

             1 tetor, 2011