KONFERENCA
Atë mot ia prenë petkat Ballkanit
Shqipërisë ia bënë copa- copa
Deshtë ta lënë edhe pa to fare
Se kështu ia kish qejfi Evropës
Këmisha e shqipes shitej kuluareve
Si një plaçkë në tregun e padronëve pa tapi
Këndej fqinjët grabitqarë vidhnin gardhiqeve
E mbillnin kob kullave arbërore
Zot, ç’zallahi e kob ra
Mbi shtatin e Shqipnisë
Atë mot e sot
Na mbetën gurët mbi shpinën e Atdheut
2020